O luns 15 de setembro darán comezo as Actividades Dirixidas incluídas no Programa Municipal de Actividades Fisico-Deportivas 25/26, agás a Escola de Baile que dará comezo o 29 de setembro.
Este ano por motivo das obras de reforma da planta baixa do Centro Deportivo Municipal «O Consello», vémonos na obriga de trasladar algunhas actividades a outras instalacións: no caso das actividades dirixidas en horario de mañá serán na pista central do CDM «O Consello» e as de tarde desenvolveranse no ximnasio do CEIP PLURILINGÜE RIBADAVIA.
A sala de musculación provisional mantense na planta 1ª do CDM «O Consello» de luns a venres, que poderá volver a utilizarse dende o martes, 9 de setembro de luns a venres en horario de mañá e serán.
A Escola de Karate dependente do C. Escola de Karate Mizukami desenvolverá as súas actividades no CRA Amencer de San Cristovo.
En outubro tamén esta previsto se reanuden os RECREOS ACTIVOS-PATIOS DINÁMICOS, que se desenvolven todo os anos no ximnasio do CEIP PLURILINGÜE RIBADAVIA, incluídos no PLAN RIBADAVIA ACTIVA que se enmarca no PLAN GALICIA SALUDABLE DA XUNTA DE GALICIA e que se coordina entre o Servizo Municipal de Deportes e o Departamento de Educacion Física dos centros de ensino coa colaboura dos clubs.
Asemade, logo do remate das obras de mellora no Pavillón Municipal Maquiáns, vai a permitir celebrar adestramentos/competicións que ata o de agora non era posible en disciplinas como baloncesto, así como albergar público na grada incluída nas obras de reforma.
Os cambios de ubicación levados a cabo terán un caracter provisional mentres duren as obras de reforma da planta baixa do Centro Deportivo Muncipal «O Consello».
