Ribadavia acolle unha Xornada de Promoción Escolar de Pickleball o vindeiro 22 de outubro na Praza Maior de Ribadavia.
A Praza Maior converterase no escenario dunha xornada deportiva dirixida ao alumnado dos seguintes centros educativos da comarca; CPI Ribadavia, CEIP Arnoia, CEIP Leiro, CEIP Carballeda de Avia, CRA Amencer Ribadavia e CEIP Quins.
Organiza a Federación Galega de Tenis e a Agrupación Deportiva Escolar O Ribeiro, coa coloboura do Consello Municipal de Deportes.
Para a inscrición accede a esta LIGAZÓN.
O domingo 22 de Novembro, terá lugar a Undécima edición da Carreira Pedestre de Ribadavia que se sobre un circuito semiurbano de 10 km. para a categoría absoluta.
A saída e meta, para todas as categorías será na Praza Maior. A saída da proba absoluta será ás 11:00 horas con chegada na Praza Maior. As categorías: Sub 16, Sub 14, Sub 12 e Sub 10 disputaranse sobre un percorrido urbano polo casco vello cunha distancia de 700 m., estas catro probas disputaranse a partires das 11:05 horas mentres se disputa a categoría absoluta.
Ás 12:15 pecharase o control de chegada para a categoría absoluta, para de seguido, ás 12:20 disputarse a competición para as categorías Sub 08 e ás 20:25 a de Biberóns.
Estará organizada polo Concello de Ribadavia / Consello Municipal de Deportes, e coa Coordinación Técnica da Federación Galega de Atletismo.
Nesta ligazón pódese consultar o REGULAMENTO.
Convocada pola Agrupación Deportiva Escolar O Ribeiro, na aula do Centro Deportivo Municipal «O Consello», levouse a cabo a xuntanza para dunha banda; programar o calendario de actividades do Programa «XOGADE» para o curso 26/27 na fase comarcal, asi como a posta en marcha do «PROGRAMA DAFIS» (Plataforma de avaliación do nivel de condición fisica da poboación infantil) que estará coordinado pola UAEF Ribadavia (Unidade de actividade e exercicio físico).
O Concello de Ribadavia está convidado a participar na «Xornada sobre envellecer con saúde» organizado pola Facultade de Mediciña da USC que se vai a celebrar no salón de actos da facultade o xoves, 1 de Outubro.
O Concello de Ribadavia achegará a ponencia sobre a experiencia do programa «ADESTRA A TUA SAÚDE» logo dun ano da súa implantación.
Para máis información pinchar na ligazón https://www.catedrasaludable.es/es/conferencias
Convocado pola Secreteria Xeral para o Deporte, levouse a cabo a xuntanza na que estaban convocados todos los centros de ensino da comarca.
O coordinador provincial Carlos Bericat presentou o programa Xogade para o curso 26/27, asemade tamén lle foi presentado aos centros o Proxecto Dafis que pretendemos levar a cabo en coordinación coa Unidade de Actividade de Exercicio Físico de Ribadavia (UAEF).
A vindeira xuntanza convocada pola Agrupación Escolar o Ribeiro terá lugar o día 30 de setembro se na aula do Centro Deportivo Municipal «O Consello».
O vindeiro domingo, 4 de Outubro, levarase a cabo en Ribadavia o 30º DÍA DA BICI.
Evento non competitivo, de percorrido semiurbano, promovido polo Concello de Ribadavia a través do Consello Municipal de Deportes, que ten como obxetivo promover a práctica de actividade física e o uso da bicicleta.
Ás 10:00 h. será a entrega de mochilas e camisetas aos inscritos, e as 11:00 h. será a saída dende a Praza Maior.
O percorrido será; Praza Maior – Rúa Progreso – Rúa Ribeiro – Rúa Veronza – Rúa do Xestal – Rúa Campo de Fútbol S. Cristovo – Campo do Souto – Rúa Campo de Fútbol S. Cristovo – Rúa do Xestal – Camiño do Río – Rúa da Aldea (Francelos) – Ctra. Francelos – San Lázaro – Rúa do Progreso – Praza Maior.
A participación é libre, para todas as idades.
A inscrición será ata o día 1 de Outubro, a través de www.deportesribadavia.es. Entrando na pestaña USUARIOS/ABONADOS, e posteriormente en «ACCESO USUARIOS». Si xa eres usuario/abonado tes que introducir o teu usuario e contrasinal. Se eres novo usuario, pincha en ¿nuevo usuario?. Unha vez dentro, accede a sección «ACTIVIDADES» e apúntate ao «DÍA DA BICI 2026».
Os 200 primeiros inscritos entregaráselles unha mochila e unha camiseta.
Todos os inscritos participarán no sorteo de dúas bicicletas, sorteo que se celebrará ao remate da proba.
Colaboran Ciclistas do Ribeiro, Aqualia e Clúster Industria deporte galego.
O luns 14 de setembro darán comezo as Actividades Dirixidas incluídas no Programa Municipal de Actividades Fisico-Deportivas 26/27, agás a Escola de Baile que dará comezo o 5 de outubro.
Os vindeiros días, 3 e 4 de setembro, a Zona Fitness estará pechada para os usuarios/as do Centro Deportivo Municipal O Consello, para levar a cabo traballos de mantemento.
A reapertura da Zona Fitness será o luns 7 de setembro.
