Ca colocación, a pasada semana das canastas motorizadas, dase por rematada a reforma no PAVILLÓN MUNICIPAL MAQUIÁNS adxudicada pola Conselleria de Educación, Ciencia, Universidades e Formación Profesional por un importe de cuarenta e oito mil trescentos quince con oitenta e catro euros (48.315,84 €).
Esta instalación de titularidade municipal e uso compartido entre o Concello de Ribadavia e o IES RIBEIRO, polo que, en horario de mañá é a aúla de Educación Fisica do Centro de ensino, e no horario de serán e fins de semana o Consello Municipal de Deportes desenvolve actividades de adestramentos e competicións en convenio con entidades deportivas: C.E. Balonmán Ribadavia, CDC Ribeiro, Irmandade Deportiva Os Sarmientos, Ribeiro Futbol-sala, Ximnasia Rítmica Pavillón e outras que puntualmente o solicitan.
Esta mellora ven a subsanar algunha das deficiencias diste equipamento: dunha banda a dotación de canastas motorizadas vai a permitir poder celebrar adestramentos, competicións de baloncesto, minibasket así como unha pequena grada independizada da polideportiva.
Tamén se atopaba incluida na reforma o traslado do cadro xeral de suministro eléctrico a unha zona común, asi como mudar a porta de acceso da dependencia/almacén destinada a material deportivo con acceso directo a pista o que facilita o traslado de material para adestramentos aos clubes.
Actuacións executadas:
• Colocación de xogo de canastas colgantes motorizadas.
• Construción de bancada (9 x 3) con capacidade para 50 persoas.
• Desprazamento de cadro xeral de suministro eléctrico.
• Colocación de valla metálica para independizar terreo de xogo.
• Reforma de almacen de material deportivo.
• Apertura de nova porta de acceso a almacén con saída directa á pista.
