Autor: smd ribadavia

DEPORTES NAS FESTAS DO PORTAL 2024

Publicado el | por smd ribadavia
Durante as Festas do Portal celebraranse as seguintes actividades deportivas:
 
XUNTANZA MINIBASKET FESTAS DO PORTAL
Xoves, 5 de setembro ás 17:00 horas nos Xardinillos.
Idades nados a partir do 2013.
Organiza: I.D. Os Sarmientos.
 
BALONMÁN – TORNEO FESTAS DO PORTAL
Venres, 6 de setembro ás 20:00 horas, no Centro Deportivo Municipal «O Consello».
Categoría Nacional: BM RIBEIRO RODOSA OUR. PROV. TERMAL – DISICLÍN BM. LALÍN
Organiza: CDC Ribeiro.
 
FÚTBOL-SALA – III TORNEO INTERNACIONAL FESTAS DO PORTAL
Sábado, 7 de setembro dende as 10:00 ata ás 20:00 horas, no Centro Deportivo Municipal «O Consello».
Categorías: Senior Feminino, Senior Masculino, Xuvenil Feminino e Xuvenil Masculino.
RIBERO AVIA FC – BULEBULE FS – ACADEMIA FUTSAL – FUTSAL ARCAS – CARBALLIÑO FS.  
Organiza: C.F. Ribeiro do Avia.
 
TENIS – TORNEO FESTAS DO PORTAL
6, 7 e 8 de setembro, nas Pistas de Tenis, Complexo Deportivo Municipal «O Xestal».
Organiza: Club de Tenis Ribadavia.

VOLEIBOL

Publicado el | por smd ribadavia

Máis de vinte nen@s participaron na xornada de promoción do VOLEIBOL que se levou a cabo o pasado 24 de xullo nas instalacións do Centro Deportivo Municipal O Consello, pola Federación Galega desta disciplina, incluída no programa de fomento do deporte 2024 promovido pola Deputación de Ourense en colaboración cas respectivas federacións.

A actividade que deu comezo ás 11:00 ata as 12:30 horas, estivo dirixida por técnicos da federación de Voleibol, e tivo un contido lúdico para dar a coñecer este deporte.

CAMPIÓN DE ESPAÑA EN C2 MIXTO NO CAMPIONATO DE ESPAÑA PROMESAS PIRAGÜISMO

Publicado el | por smd ribadavia

O padexeiro ribadaviense David Davila Rodríguez, con ficha no Club de Mar Ría de Aldán – GANDÓN S.A., ven de participar no Campionato de España de Xoves Promesas (infantil e cadete) que se disputou esta fin de semana en Verducido (Pontevedra).

Participou en tres probas acadando un sexto posto en C1, a cuarta praza en C2 co seu compañeiro Manu e o primeiro posto, e campións de España, en C2 mixto coa súa compañeira Cristina.

Parabéns David Davila.

SELECCIÓN ESPAÑOLA JUNIOR MASCULINA CAMPIONA DE EUROPA

Publicado el | por smd ribadavia

A selección española Junior de balonmán que levou a cabo parte da súa preparación para o Campionato de Europa de Eslovenia no mes de Marzo en Ribadavia, inagurando o novo pavimento do CDM O Consello e disputando o Torneo Internacional contra a Selección Absoluta de Estados Unidos, ven de proclamarse campiona de Europa ao vencer na final a Portugal, logo de superar no campionato aos combinados de Francia, Suiza, Islas Feroe, Austria, Islandia e Dinamarca.

Parabéns aos Hispanos Junior.

CAMPUS DE FÚTBOL RIBADAVIA ATL.

Publicado el | por smd ribadavia

O venres 12 de xullo, rematou o CAMPUS DE FÚTBOL ca presenza do Concelleiro de Deportes D. Javier Pousa Carrera, promovido pola entidade RibadaviaAtl..

Actividade que se levou a cabo nas instalacións muncipais do Complexo Deportivo O Xestal. A mesma estivo divida en dúas semanas nas que participaron 25 nen@s na primeira semana e 23 nen@s na segunda.

VOLEIBOL  RIBADAVIA

Publicado el | por smd ribadavia

Dentro do Programa de Fomento do Deporte 2024 da Deputación de Ourense en colaboración cas respectivas federacións vaise a celebrar en Ribadavia o mércores 24 de Xullo, nas instalacións do Centro Deportivo Municipal O Consello, en horario de 10:30 a 13:30 horas, unha Xornada de Promoción na modalidade de VOLEIBOL.

A actividade é de balde. Os interesados deben inscribirse a través do código QR que aparece no cartel.

CLUB CICLISTAS DO RIBEIRO, QUEDADA BTT

Publicado el | por smd ribadavia

Organizado polo Club Ciclistas do Ribeiro o 5 de Xullo continúan as «Quedadas de BTT», esta vez coa «KEDADA NOCTURA».

O percorrido con saída en «A Veronza» será coa Ruta polo Coto, cunha dificultade «media» e moi importante levar lanterna. 

Para apuntarse, facelo a través do correo: ciclistasdoribeiro@gmail.com