Categoría: Sin categoría

ABERTO O PRAZO DE INSCRICIÓN a través da web www.deportesribadavia.es ou en www.carreirasgalegas.com 

A inscrición para todas as categorías será ata as 23’59 horas do 27 de Novembro de 2024.

O 1 de Decembro, terá lugar a Novena edición da Carreira Pedestre de Ribadavia que se disputará como en anos anteriores sobre un circuito semiurbano de 10 km. para a categoría absoluta. 

A saída e meta, para todas as categorías será na Praza Maior. A saída da proba absoluta será ás 11:00 horas con chegada na Praza Maior. As categorías: Sub 16, Sub 14 e Sub 12/Sub 10 disputaranse sobre un percorrido urbano polo casco vello cunha distancia de 700 m., estas tres probas disputaranse a partires das 11:05 horas mentres se disputa a categoría absoluta.

Ás 12:15 pecharase o control de chegada para a categoría absoluta, para de seguido disputarse a competición para as categorías Sub 08 e Biberóns.

A recollida de dorsais terá lugar o Domingo 1 de Decembro, ata 25:00 minutos antes da saída de cada categoría na secretaría de competición (fronte ao concello de Ribadavia/Praza Maior, 4).

Todos os atletas disporán de vestiarios no Polideportivo O Consello, sendo a entrega de premios na Praza Maior ás 13:00 horas, fronte o Concello.

A proba estará organizada polo Concello de Ribadavia a través do Consello Municipal de Deportes contando nesta edición coa coordinación da Federación Galega de Atletismo.

Nesta ligazón está o Regulamento Xeral.

Logo do aprazamento, o domingo 20 de outubro tivo lugar lugar a 28 edición do Día da Bici .

Os participantes percorreron 10 Km. por un circuito semiurbano con saída na Praza Maior ata San Cristovo logo según o camiño do rio ata Francelos con chegada de novo á Praza Maior. A saída foi as 11:00 h. e a chegada en torno as 12:30 h.

Os participantes recibiron unha mochila cunha camiseta conmemorativa e unha auga, entregada antes da saída, ao remate sortearonse dúas bicicletas e calcetíns doados polo Club Ciclistas do Ribeiro.

DATA : 20 de Outubro do 2024

HORARIO : Saída as 11:00 h. da Praza Maior, pero previamente ás 10:00 h. entregaranse as mochilas e camisetas aos inscritos.

PERCORRIDO semiurbano:

Ribadavia – Francelos – San Cristovo – Ribadavia

Evento non competitivo, promovido polo Concello de Ribadavia a través do Consello Municipal de Deportes, que ten como obxetivo promover a práctica de actividade física e o uso da bicicleta.

A participación e libre, para todas as idades, os 200 primeiros que se inscriban a través da webpressclub.laregion.es  entregaráselle unha mochila e unha camiseta + Deporte La Región conmemorativa do evento que poderán recoller na Praza Maior.

Patrocinan o evento a Deputación de Ourense, e colaboran Raiders do Ribeiro e Ciclistas do Ribeiro.

SORTEO: ao remate da proba haberá un sorteo de dúas bicicletas, no que participarán todos os inscritos. 

O luns, 16 de setembro, bota a andar a programación de actividades físico-deportivas para o curso 24/25.

A oferta de actividades proposta polo Consello Municipal de Deportes prestada a través da empresa de servizos MOUXIÓN, S.L.  está aberta a que ao longo do curso poidan incorporarse outras á demanda dos usuarios.

O requisito para poder tomar parte nas mesmas, é ser abonado ao servizo municipal de deportes.

A programación dirixida á poboación adulta dará comezo o 16 de setembro, nas que se atopan as actividades dirixidas e o servizo de adestrador persoal.

A programación infantil dará comezo o 30 de setembro, na que se atopan as actividades da Escola de Baile, e os Recreos Activos Patios Dinámicos.

Os vindeiros días 6, 7 e 8 de Setembro celebraráse nas pistas de tenis do Complexo Deportivo O Xestal o Torneo de Tenis «Festas do Portal».

O derradeiro día de inscrición será o 29 de Agosto a través do email tenisribadavia@gmail.com, incluíndo datos e teléfono de contacto.