DEPORTE ESCOLAR COMARCAL XOGANDO CO ATLETISMO

Os días 24 e 31 de xaneiro, vaise celebrar O COMARCAL na modalidade XOGANDO CO ATLETISMO, nas categorías alevín e benxamín na que tomarán parte todos os centros de ensino da comarca.

Esta modalidade incluída dentro do programa XOGADE, achega aos nen@s a práctica do atletismo dun xeito lúdico, aglutinando en distintas probas a motricidade na que se atopan baseados todas as disciplinas deportivas (correr, saltar e lanzar) na mesma atópanse incluídas varias probas:

1. Carreira 10 x 10 metros.
2. Lanzamento de xavelina branda.
3. Triplo salto saíndo dende parado.
4. Lanzamento de balón medicinal cara a adiante por encima da cabeza dende sentado.
5. Salto lateral de obstáculo baixo.

Carreira de relevos:

1. Gran Prix.

Cada participante realizará unha proba de concurso e a proba de relevos. A proba de concurso será a que cada Centro Escolar determine, participando cada un dos compoñentes nunha proba diferente, completando as 5 probas.

Cada centro deberá participar con equipos de un máximo de cinco nen@s.

A fase provincial de XOGANDO CO ATLETISMO será en marzo, á que accederán equipos procedentes das fases comarcais.

 

Nesta ligazón atópase a FOLLA DE INSCRICIÓN.

Nesta ligazón atópase o REGULAMENTO.