Acórdase o peche parcial, ata novo aviso, para levar a cabo os traballos de traslado da Sala Musculación á nova ubicación na planta primeira da instalación, onde se prestará este servizo con caracter provisional, mentras duren as obras de reforma da planta baixa.
Os abonados serán informados cando rematen estes traballos de traslado e se poida voltar a prestar iste servizo.
As obras cun orzamento de 48.315,84 €, dotarán á instalación de novos recursos, coma por exemplo, un sistema de canastas colgantes motorizadas, a construción dunha bancada independente da pista de xogo cunha capacidade aproximada para medio cento de espectadores, e espazos máis seguros e cómodos para clubs, alumnado e público.
Debido á situación climatolóxica actual e os incendios que estamos a sufrir e, así mesmo, o descenso de caudal que estamos a experimentar; pecharase a Piscina Municipal «A Veronza» a partir de mañá, 19 de agosto.
A medida tómase para poder garantir a subministración de auga para uso doméstico.
Agradecemos a compresión e a colaboración de toda a veciñanza nestes complicados intres.
O venres, 1 de Agosto, darán comezo os grupos do mes de AGOSTO do CURSO DE NATACIÓN de NEN@S 2025.
O curso lévase a cabo na instalación da piscina municipal A Veronza en horario de luns a venres distribuido en tres grupos nos seguintes horarios:
O CEIP Plurilingüe de Ribadavia segue avanzando na súa posta a punto grazas ás novas obras de mellora que acaban de iniciarse no seu ximnasio. A intervención, promovida pola Consellería de Educación, Ciencia, Universidades e Formación Profesional da Xunta de Galicia, supón un investimento de 40.983,61 euros e foi adxudicada á empresa Sport Equipalia S.L.U., cun prazo de execución dun mes.
A actuación contempla o acondicionamento integral dun espazo fundamental tanto para a actividade física do alumnado como para outros usos comunitarios e educativos. O ximnasio acolle diariamente as clases de educación física do centro e serve tamén como escenario para o programa “Recreos Activos – Patios Dinámicos”, desenvolvido en colaboración co Servizo Municipal de Deportes dentro do Plan Proxecta da Xunta. Ademais, a Consellería concedeu o uso temporal da instalación ao Concello de Ribadavia para que, a partir do mes de setembro, poida albergar as actividades físico-deportivas do Consello Municipal de Deportes mentres se realizan as obras de acondicionamento na planta baixa do Centro Deportivo Municipal O Consello.
A reforma inclúe a instalación dun novo pavimento deportivo Pavigrass de seis milímetros de espesor, así como a marcaxe de pistas para badminton, minibasket e minibalonmán. As paredes do ximnasio serán pintadas de novo e completaranse os traballos coa colocación de equipamentos como taboleiros de minibasket, postes e redes de badminton, proteccións para os postes de volei e novas espalderas.
Esta nova intervención súmase a outras xa realizadas no CEIP Plurilingüe de Ribadavia durante a presente lexislatura, consolidando un compromiso firme coa mellora das infraestruturas educativas no municipio. No verán de 2024, o centro xa fora beneficiario dunha importante actuación incluída no Plan BEN-Estar da Xunta de Galicia, cun investimento de 95.000 euros. Aquela reforma permitiu renovar o pavimento do comedor e da sala de caldeiras, reformar integramente os aseos e vestiarios da planta baixa, instalar un novo sistema de calefacción máis eficiente e construír un baño adaptado, ademais de novos espazos para o persoal do centro e da cociña.
“Con esta nova actuación, reafirmamos o compromiso do Concello de Ribadavia coa mellora continua das infraestruturas educativas. A colaboración entre administracións é clave para garantir espazos seguros, accesibles e de calidade para o noso alumnado. Agradecemos á Consellería de Educación da Xunta de Galicia o seu apoio e investimento neste proxecto. O traballo conxunto permítenos avanzar con paso firme na mellora da calidade educativa en Ribadavia” declara o alcalde de Ribadavia, César Fernández, que visitou onte as obras.
Dende o Concello destacan que estes investimentos, tanto os xa realizados como os que están en marcha, reflicten un modelo de colaboración institucional que permite dotar aos centros educativos de espazos accesibles, eficientes e adaptados ás necesidades do alumnado, do profesorado e da veciñanza. A aposta pola calidade da educación pública pasa, tamén, por contar con instalacións modernas e versátiles que promovan o benestar físico e emocional das nenas e nenos, fomenten hábitos saudables e contribúan a construír unha contorna educativa segura, integradora e orientada ao futuro.
Nesta ligazón poderás acceder ao “Plan Autonómico de Prescripción de Actividade Física e Exercicio Físico orientado á saúde “Adestra a túa Saúde””.
O programa “Adestra a túa Saúde” ten por obxectivo contribuir á millora da saúde, o benestar e a calidade de vida da ciudadanía mediante a pauta de actividade física e exercicio dende o sistema sanitario e o seu seguimento no entorno comunitario, realizado por unha persoa promotora de exercicio (PAEF) que adaptará e evaluará de forma personalizada a súa execución, cos recursos de práctica dos que dispoña cada concello.
Está dirixido a persoas inactivas, sas o con factores de risco cardiovascular, primordialmente maiores de 60 años, sen unha patoloxía que supoña unha contraindicación absoluta para a práctica de exercicio ou que presenten limitacións severas da súa movilidade que requiran unha asistencia permanente.
Dende esta web www.sanidademediaverso.sergas.gal poderás acceder ao Mediaverso de contidos e experiencias para promover a túa saúde. Dentro atoparás seccións como: “Alimentación saudable”, “Actividade Física”, “Benestar Emocional” e “Condutas Adictivas”.
Deron comezo as obras de acondicionamento e mellora no ximnasio do CEIP PLURILINGÜE DE RIBADAVIA, adxudicadas pola Conselleria de Educación, Ciencia, Universidades e Formación Profesional por un importe de cuarenta mil novecentos oitenta e tres con sesenta e un euros (40.983,61€) á empresa SPORT EQUIPALIA S.L.U., cun prazo de execución de 1 mes.
Instalación que asemade de ser a aúla de Educación Física do centro de ensino tamén se desenvolve a actividade RECREOS ACTIVOS – PATIOS DINÁMICOS en colaboura co Servizo Municipal de Deportes do Concello de Ribadavia, incluidos no plan proxecta da Xunta de Galicia.
Tamén a Consellería de Educación ten concedida esta instalación ao Concello de Ribadavia para dende o mes de Setembro acoller o Programa de Actividades Físico-Deportivas do Consello Municipal de Deportes mentras duren as obras de acondicionamento da planta baixa do Centro Deportivo Municipal «O Consello».
A reforma consistirá en executar as seguintes actuacións:
-INSTALACIÓN DE NOVO PAVIMENTO DEPORTIVO PAVIGRASS 6MM.
-MARCAXE DE PISTAS: BADMINTON, MINIBASKET, MINIBALONMÁN.
-PINTADO DE PAREDES.
-COLOCACIÓN DE NOVOS EQUIPAMENTOS: TABOLEIROS DE MINIBASKET, POSTES E REDES DE BADMINTON, PROTECCIÓN POSTES DE VOLEY… ETC.
-COLOCACIÓN DE ESPALDEIRAS.
O vindeiro 28 de Setembro, levarase a cabo en Ribadavia o 29º DÍA DA BICI.
Evento non competitivo, de percorrido semiurbano, promovido polo Concello de Ribadavia a través do Consello Municipal de Deportes, que ten como obxetivo promover a práctica de actividade física e o uso da bicicleta.
A participación é libre, para todas as idades, e proximamente abrirase a inscrición a través da pressclub.laregion.es.
Patrocinan o evento a Deputación de Ourense, +Deporte La Región e colaboran Ciclistas do Ribeiro, Aqualia e Clúster Industria deporte galego.
O domingo 14 de Decembro, terá lugar a Décima edición da Carreira Pedestre de Ribadavia que se disputará como en anos anteriores sobre un circuito semiurbano.
Estará organizada polo Concello de Ribadavia / Consello Municipal de Deportes, e coa Coordinación Técnica da Federación Galega de Atletismo.
Próximamente abrirase o prazo para a inscrición a través desta ligazón.
A Comarca do Ribeiro albergará o RAID GALLAECIA 2025 que dará comezo o 20 ata o 26 de xullo.
A primeira etapa percorrerá o Concello de Ribadavia, os participantes tomarán saída en Arnoia pasando por Ribadavia, para rematar en Pena Corneira.
Proba deportiva considerada como deporte extremo/deporte aventura, na que os participantes percorrerán case 500 km. combinando as disciplinas de Mtb, Trekking, Kayaking e Barranquismo.
O evento está promovido por «MARAMAR OUTDOOR SLU», proba que forma parte do circuito mundial de deportes de aventura, clasificatorio para o ARWC 2025 – Canadá.
Nestas ligazóns atoparás a Memoria Técnica e a Guía da Carreira
