Categoría: Sin categoría

ABERTO O PRAZO DE INSCRICIÓN a través da web www.deportesribadavia.es ou en www.carreirasgalegas.com 

A inscrición para todas as categorías será ata as 23’59 horas do 30 de Novembro de 2023.

O 3 de Decembro, terá lugar a Oitava edición da Carreira Pedestre de Ribadavia que se disputará como en anos anteriores sobre un circuito semiurbano de 10 km. para a categoría absoluta. 

A saída e meta, para todas as categorías será na Praza Maior. A saída da proba absoluta será ás 11:00 horas con chegada na Praza Maior. As categorías: Sub 16, Sub 14 e Sub 12/Sub 10 disputaranse sobre un percorrido urbano polo casco vello sobre as distancias de 2100 m. 1400 m e 700 m., respectivamente, estas tres probas disputaranse a partires das 11:05 horas mentres se disputa a categoría absoluta.

Ás 12:15 pecharase o control de chegada para a categoría absoluta, para de seguido disputarse a competición para as categorías Sub 08 e Biberóns.

A recollida de dorsais terá lugar o Domingo 3 de Decembro, ata 25:00 minutos antes da saída de cada categoría na secretaría de competición (fronte ao concello de Ribadavia/Praza Maior, 4).

Todos os atletas disporán de vestiarios no Polideportivo O Consello, sendo a entrega de premios na Praza Maior ás 13:00 horas, fronte o Concello.

A proba estará organizada polo Concello de Ribadavia a través do Consello Municipal de Deportes contando nesta edición coa coordinación da Federación Galega de Atletismo.

Nesta ligazón está o Regulamento Xeral.

O 26 de Setembro do 2023 entra en vigor o horario de apetura ao público no Polideportivo Municipal O Consello.

De LUNS a VENRES:

• MAÑÁ de 08:30 a 13:30 horas.
• SERÁN de 16:15 a 22:45 horas.

SÁBADOS:

• MAÑÁ de 09:30 a 13:00 horas.
• SERÁN de 16:30 a 20:00 horas.

DOMINGOS / FESTIVOS:

• Según horarios de competicións

A actividade Ximnasia Rítmica comeza o primeiro martes ou xoves do mes de Outubro e remata a final de maio.

O horario dos adestramentos é os Martes e Xoves de 16:15 a 18:00 horas.

Para a inscrición dos nenos e nenas no grupo de Ximnasia Rítmica que adestra no Pavillón de Deportes «O Consello». hai que acceder a este enlace Ficha de Inscrición, e para máis información acceder aquí: Información.

Tamén están dispoñibles nas oficinas do Pavillón as fichas de inscrición.

O Presidente do Consello Municipal de Deportes ven de convocar o Consello Reitor ordinario de Setembro para o vindeiro luns 25 de Setembro de 2023, ás 13:00 horas en primeira convocatoria e ás 13:15 horas en segunda convocatoria, entre os asuntos máis importantes está a toma de posesión dos membros ao Consello Reitor en representación dos distintos estamentos, a aprobación, si procede, da acta da convocatoria extraordinaria de 27 Febreiro 2023, a aprobación, si procede, do horario de inverno de apertura ao público das instalacións deportivas municipais, a aprobación, si procede, da modificación de estatutos e regulamento do CMD, a aprobación, si procede, do plan director de subvencións a entidades deportivas para o 2023, a probación, si procede, da proposta da sección orzamentaria propia do CMD 2024. 

Na seguinte ligazón podes ver a Convocatoria Consello Reitor Ordinaria

O luns, 11 de Setembro do 2023, dará comenzo o programa de actividades físico-deportivas para o curso 23/24, promovido polo Consello Municipal de Deportes.

De luns a sábado, en horario de mañás e serán, ofértanse distintas actividades dirixidas por técnicos especialistas:

• ACTIVIDADES ADULTOS.- Continúa a oferta do curso pasado con vinte horas semanais de actividades dirixidas.
• OFERTA INFANTIL.- Asemade da oferta de Escolas Deportivas (iniciación e perfeccionamento) promovidas polos clubes, orientadas ao deporte de competición, neste curso ofertarase a actividade de Baile Moderno como actividade de carácter non competitivo.
• SERVIZO DE ADESTRADOR PERSOAL.- O servizo de Adestrador Persoal con reserva previa. REQUISITOS: estar dados de alta como abonados ao servizo municipal de deportes.

PLAN RIBADAVIA ACTIVA:

En coordinación co Dpto. de E.F. do CEIP Ribadavia e da Fundación Deporte Galego dende o mes de Outubro botarán a andar os proxectos presentados dentro do PLAN RIBADAVIA ACTIVA:

1.     PROXECTO DAFIS

2.     PROXECTO RECREOS ACTIVOS/PATIOS DINAMICOS

3.     PROXECTO MELLORA DA CONDICION FISICA PARA A SAÚDE

4.     PROXECTO DINAMIZACIÓN DA VIDA ACTIVA E DEPORTIVA

Proxectos, nesta primeira fase, destinados á poboación infantil.

LIGAZÓN: PROGRAMA DE ACTIVIDADES FÍSICO-DEPORTIVAS 

Os vindeiros días 8, 9 e 10 de Setembro celebraráse nas pistas de tenis do Complexo Deportivo O Xestal o III Torneo de Tenis «Festas do Portal».

O derradeiro día de inscrición será o 3 de Setembro a través do email tenisribadavia@gmail.com.

Na Xunta de Goberno Local celebrada o 28 de Agosto do 2023 acórdase, entre outros, o horario definitivo cedido ás entidades deportivas para a vindeira tempada 23/24. Afecta ás Instalacións Deportivas Municipais dependentes do Consello Municipal de Deportes: Centro Deportivo Municipal O Consello, Pavillón Municipal Maquiáns e Complexo Deportivo Municipal O Xestal.