Categoría: Sin categoría

«O Gran Camiño» naceu coa intención de que todas as miradas do ciclismo internacional apuntaran a Galicia a finais de febreiro. Unha proba que xunta, de maneira maxestuosa, o deporte de máximo nivel coa difusión dun dos territorios máis fermosos do mundo, onde todo aquel que o descoñecera, quedaría marabillado polas increíbles paraxes polos que discurre a proba.
O sábado 24 celebrarase a terceira etapa, denominada «Vía Camiño da Prata», desprazándose ata a provincia de Ourense e percorrendo unha vintena de municipios. Unha etapa con saída en Xinzo de Limia e meta en Ribadavia (Castelo dos Condes de Sarmiento) sobre das 17:30 horas aproximadamente.

Para ver o vídeo, pincha nesta ligazón ou imaxe.

O Presidente do Consello Municipal de Deportes ven de convocar o Consello Reitor ordinario de Febreiro para o vindeiro luns 14 de Febreiro de 2024, ás 13:00 horas en primeira convocatoria e ás 13:15 horas en segunda convocatoria, entre os asuntos máis importantes está a aprobación, si procede, do borrador da acta da convocatoria ordinaria de 5 Decembro 2023, a renovación, si procede, do contrato menor de suministro de material de limpeza para instalacións deportivas dependentes do CMD (C.D.M. O Consello , P. Municipal Maquiáns, Piscina M. A Veronza e Complexo D. M. O Xestal) á empresa IRAGO S.A., a renovación, si procede, do contrato menor de servizo de control e prevención da lexionelose nas instalacións deportivas dependentes do CMD. (C.D.M. O Consello , P. Municipal Maquiáns e Complexo D.M. O Xestal) á empresa INSADES S.L., e na dación de contas: sección orzamentaria propia do Consello Municipal de Deportes para o exercicio 2024, logo da aprobación definitiva do Orzamento Xeral do Concello (BOP,26/Xaneiro/2024), e estado da reforma da pista central do C. D. M. O Consello.

Na seguinte ligazón podes ver a Convocatoria Consello Reitor Ordinaria

CATEGORÍAS ALEVÍN E BENXAMÍN

Organizado pola Agrupación Escolar O Ribeiro e o Consello Municipal de Deportes incluído dentro do programa XOGADE da Secretaria Xeral para o Deporte, vanse disputar os comarcais na modalidade “XOGANDO AO ATLETISMO”:

27/Febreiro CATEGORÍA ALEVÍN
29/Febreiro CATEGORÍA BENXAMÍN

Na que tomarán parte os Centros de Ensino da comarca, clasificatorio para o CAMPIONATO PROVINCIAL que se vai a disputar na pista de atletismo indoor de EXPOURENSE.

Ligazón Regulamento

Campionato organizado pola Secretaría Xeral para o Deporte a través do Servizo Provincial en Ourense en colaboración co Concello de Ribadavia, a Agrupación Deportiva Escolar «O Ribeiro» e a Delegación da Federación Galega de Atletismo en Ourense, é o colofón á tempada de cros escolar que se veu desenrolando en todas as agrupacións deportivas escolares zonais de Galicia.

 

Ligazón RESULTADOS

CPTO. Xunta de Galicia individual e de clubs

SUB-16, SUB-18, SUB-20, SUB-23 e ABSOLUTO

O domingo 7 de Xaneiro  no CIRCUITO A VERONZA/Complexo Deportivo Municipal O Xestal

 

Ligazón RESULTADOS

 

 

 

O domingo 7 de Xaneiro, no CIRCUITO A VERONZA/Complexo Deportivo Municipal O Xestal, vaise celebrar a terceira edición do Cross Vila de Ribadavia no que estará en disputa o Cpto. Xunta de Galicia individual e de clubs nas categorías SUB-16, SUB-18, SUB-20, SUB-23 e ABSOLUTO clasificatorios para o Cpto. de España que se disputará en Xetafe (Madrid) o 28 de Xaneiro.

Casi setecentos atletas representando a mais de cuarenta clubs de toda Galicia daranse cita no circuito da Veronza nos seguintes horarios de competición:

O evento organizado polo Concello de Ribadavia a través do Consello Municipal de Deportes co control técnico da Federación Galega de Atletismo.

No día de hoxe tivo lugar en Ridadavia a presentación do Cpto. que contou ca presenza do alcalde de Ribadavia, César Manuel Fernández Gíl, así como a do Vicepresidente da FGA, Lalo Gómez.

Durante a presentación destacaríanse, ademáis de aspectos técnicos, a importante tradición do concello en acoller probas autónomicas de campo a través, sumando con esta, un total de seis edicións (2011, 2016, 2017,2018 e 2021), destacando en todas elas a excelente organización resultaría en todas elas. Para este ano, novamente o Concello de Ribadavia está a dispor de todos cantos medios están da súa man para facer da gran cita invernal galega un novo éxito organizativo, sendo un dos elementos máis salientables a excelente adecuación do circuíto de A Veronza, ubicado nunha espectacular contorna paisaxística en pleno paseo fluvial xuntoao río Avia.

Ca disputa deste Campionato de Galicia de Campo a Través, inaugúrase unha nova tempada atlética que ven marcada sen lugar a dúbidas, pola importante cita olímpica de París 2024 no vindeiro verán.

No que atinxe a este campionato, contarase con preto de setecentos atletas entre os que destacada a presenza dos campións galegos absolutos da edición pasada en Xinzo, Laura Santos do Playas de Castellón e Esteban Iglesias do Lucus Caixa Rural. Xunto aos lucenses estarán pelexando tanto polo título como polas medallas, os internacionais El Mehdi El Nabaoui que debuta cas cores do Atletismo Santiago, ou Inés Docampo do ADAS CUPA quen xunto a Isabel Caeiro da Gimnástica, forman un dos grupos de internacionais participantes máis destacados deste campionato. Antonio Serrat do Celta e o independente medallista de bronce o ano pasado Jorge Puig, serán outros dos participantes que teñan moito que decir no circuíto de A Veronza.

No resto de categorías contaremos ca presenza da internacional e plusmarquista de España Xela Martínez, que parte como clara favorita na categoría feminina Sub20. Outras das grandes apostas do atletismo galego de futuro, Sabela Castelo da Gimnnástica na categoría Sub16 e Alex Sierpes do Atletismo Tregana Sub18, convertiránse nuns dos grandes atractivos e alicientes nesta edición.

En canto ao resto de participantes estaremos moi pendentes dos campións galegos Sub18 do ano pasado, Leyla Villar do Ourense Atletismo e Lucas García do Ría de Foz, quenes parten co obxectivo de repetir os excelentes resultados da pasada edición. Gabriel Losada da Gándara, Iván Rego e Carla Díaz doLucus Caixa Rural, Ainhoa Gotándo S.D. Compostela Atletismo e Yago Ignacio García do C.A. Santiago, completan a relación de atletas destacados nesta cita.

Este campionato contará co engadido de ser selectivo para formar parte da Selección Galega que tomará parte no Campionato de España de Campo a Través do vindeiro 28 de xaneiro en Xetafe.

Ligazón: Regulamento, Circuito e Inscricións

 

Organizado polo Servizo Provincial da Secretaría Xeral para o Deporte e a Agrupación Escolar O Ribeiro, ca colaboura do Concello de Ribadavia, no CIRCUITO A VERONZA do COMPLEXO MUNICIPAL O XESTAL, disputaron o sábado 16 de Decembro, o Campionato Provincial de Campo A Través Escolar nas categorías benxamín, alevín, infantil e cadete. Proba clasificatoria para o Cpto. Galego que se disputará o 13 de Xaneiro do 2024 no CIRCUITO A VERONZA (RIBADAVIA).

Centros clasificados das fases comarcais que tomaron parte no Cpto. Provincial:

 

Ligazón clasificación

 

Organizado polo Servizo Provincial da Secretaría Xeral para o Deporte e a Agrupación Escolar O Ribeiro, ca colaboura do Concello de Ribadavia o sábado 16 de Decembro no CIRCUITO A VERONZA do COMPLEXO MUNICIPAL O XESTAL vaise celebrar o Cpto. Provincial Escolar na modalidade de campo a través clasificatorio para o Cpto. Galego que terá lugar tamén nas instalacións de A VERONZA o vindeiro 13 de Xaneiro do 2024.

No Cpto. Provincial tomarán parte os clasificados nas fases comarcais das oito zonas en que se atopa divida a provincia de Ourense participando nas categorías: benxamín, alevín, infantil e cadete tanto masculino como feminino.

Ligazón do Regulamento

DATA: DOMINGO 3 DE DECEMBRO DO 2023
HORARIOS POR CATEGORÍAS:

 

 

 

 

 

 

 

 

 

 

 

 

 

PERCORRIDO (CIRCUITOS)

CATEGORÍAS ABSOLUTAS:

• CIRCUITO A: Praza Maior, Rúa García Penedo, Rúa Alcalde Meruendano, Rúa Progreso, Rúa Ribeiro, Cruce Serralleiro, Baixada ao Xestal, Camiño San Cristovo (Baixo Autovía), Área Recreativa A Veronza (Carril bici), Rúa Veronza, Camiño do río/Rúa Extramuros (senda peonil Avia/Miño), Rúa da Aldea (subida a Francelos), Rúa das Laxas, Camiño Ramal, Estrada Filgueira, Estrada Francelos, Rúa San Lázaro, Rúa Progreso, Rúa Extramuros, Portanova, Portanova de Abaixo, Praza da Magdalena, Praza Buján, Rúa Merelles Caula, PrazaMaior.

CATEGORÍAS BASE:

• CIRCUITO B: Praza Maior, Rúa García Penedo, Rúa Alcalde Meruendano, Rúa Progreso, Rúa Extramuros, Portanova, Rúa Porta Nova de Abaixo, Praza da Magdalena, Praza Buján, Rúa Merelles Caula, Praza Maior.

• CIRCUITO C: Rúa Alcalde Meruendano, Rúa García Penedo, Praza Maior.

O circuito semiurbano foi de aproximadamente 10 Km para as categorías absolutas sendo a saída da proba absoluta as 11:00 horas con chegada na Praza Maior. Ás 12:15 pechouse o control de chegada para atletas da categoría absoluta.
As categorías: Sub16, Sub14 e Sub12 disputáronse sobre un percorrido urbano polo casco vello sobre as distancias de 2100 m. 1400 m e 700 m., respectivamente, estas tres probas disputáronse a partir das 11:05 horas mentras se disputa a categoría absoluta.
As categorías Sub 08 e Biberóns tomaron a saída ás 12:20 e 12:25 horas respectivamente sobre as distancias establecidas no CIRCUITO C.
Todo os atletas dispuxeron de vestiarios no Centro Deportivo Municipal O Consello dende as 9:00 horas.
A entrega de premios foi na Praza Maior ás 13:00 horas.
A proba foi organizada polo Concello de Ribadavia a través do Consello Municipal de Deportes ca coordinación e control da Federación Galega de Atletismo.

ATLETAS PARTICIPANTES POR CATEGORÍAS:

 

 

 

 

 

 

 

 

 

 

ORGANIZADA:

CONCELLO DE RIBADAVIA / CONSELLO MUNICIPAL DE DEPORTES

COORDINACIÓN TÉCNICA:

FEDERACIÓN GALEGA DE ATLETISMO

COLABORARON:

• DEPUTACIÓN OURENSE
• CONSELLO REGULADOR
• PROTECCIÓN CIVIL RIBADAVIA
• CICLISTA RAIDERS DO RIBEIRO
• CICLISTA DO RIBEIRO
• VOLUNTARIOS
• VIÑA DOCAMPO

RESULTADOS E CLASIFICACIÓN, pinchar nesta ligazón.