A Deputación de Ourense, presentou o III Programa de Fomento Deportivo co obxectivo de chegar aos 92 concellos da provincia con máis de trinta disciplinas.
O presidente provincial, Luis Menor, destacou o papel do deporte como ferramenta de cohesión social, saúde e dinamización do rural nun acto en Castrelo de Miño, no que participaron representantes de clubs, federacións e concellos.
O programa incrementa o seu orzamento ata os 100.000 euros e incorpora novas disciplinas como karate, tríatlon, rugby ou volei praia.
Desde a primeira edición, con 45 concellos e 2.400 participantes no ano 2024, pasouse a 73 concellos e máis de 4.200 participantes na edición de 2025.
