Autor: smd ribadavia

SELECCIÓN ESPAÑOLA JUNIOR – SELECCIÓN ABSOLUTA U.S.A.

Os Hispanos Junior impuxéronse á selección absoluta de Estados Unidos (27-23) no TORNEO INTERNACIONAL DE RIBADAVIA, como colofón á concentración da selección nacional dentro do programa de preparación para o Campionato de Europa de Eslovenia.

O encontró moi disputado dende o seu inicio ao descanso o resultado era de (16-12) favorable aos hispanos. Gran xornada de balonmán co “O Consello” ateigado de público.

A selección abandona Ribadavia logo do stage de preparación do 11 ao 17 de Marzo para continuar ca preparación que os levará no mes de Xullo a disputar o Campionato de Europa, onde terán como rivais a Francia, Suiza e Islas Feroe.

 

Máis de douscentos nenos e nenas dos centros de ensino de CPI PLURILINGÜE DE RIBADAVIA E CRA RIBADAVIA, disfrutaron da xornada de promoción incluida dentro do programa XOGADE da Secretaría Xeral para o Deporte “COÑECE O BALONMÁN CA SELECCIÓN ESPAÑOLA JUNIOR”.

Os escolares puideron presenciar o adestramento de portas abertas dos seleccionados para despois na pista interactuar cos xogadores da selección asinando autógrafos e participando en xogos de iniciación ao balonmán.

O xoves dentro do mesmo programa poderán disfrutar da segunda xornada de portas abertas os escolares dos centros de ensino dos centros: CEIP GARCÍA CARRASCO DE CENLLE, CEIP PLURILINGÜE DE CORTEGADA, CEIP EMILIA PARDO BAZÁN DE LEIRO, CEIP MELÓN-QUINS, CEIP PENA CORNEIRA DE CARBALLEDA DE AVIA E IES RIBADAVIA.

Tras o remate e recepción da obra “REFORMA DA PISTA CENTRAL DO CENTRO DEPORTIVO MUNICIPAL O CONSELLO” o 8 de Marzo do 2024, os usuarios xa puideron facer uso da mesma o sábado 9 de Marzo, estreandose ca celebración dos encontros de competición oficial do equipo senior do clube de baloncesto “IRMANDADE DEPORTIVA SARMIENTOS” e do equipo de categoría nacional do RODOSA RIBEIRO OURENSE PROVINCIA TERMAL.

A obra deu comenzo o 18 de Decembro do 2023 adxudicada á empresa MONDO IBERICA, S.A. por un importe de CENTO SESENTA E UN MIL CATROCENTOS TRINTA E SEIS CON TRINTA E CATRO EUROS (161.436,34 €). Obra subvenciónada pola Xunta de Galicia, Deputación de Ourense e Concello de Ribadavia.

O vindeiro sábado 16 de Marzo esta prevista a inauguración oficial da obra cun encontro entre a Selección Española junior de Balonmán e a Selección Absoluta de U.S.A.

 

Ribadavia será a sede da preparación dos Hispanos Júnior de Balonmán cun encontro fronte a U.S.A.

O encontro fronte ao combinado absoluto de U.S.A. servirá para celebrar o acto inaugural da nova pista que o Concello de Ribadavia instalou no pavillón de «O Consello».

Ribadavia acollerá do 11 ao 17 de marzo a preparación do combinado nacional de balonmán, unha xeración que ven de proclamarse campioa do mundo e de Europa na categoría xuvenil. O equipo, dirixido polo actual adestrador do Club Cisne, Javier Fernández; contará no seu staff con máis acento galego: a técnica Carla Abad, o fisioterapeuta Mauro Montero e o médico Ángel Quirós, forman parte da expedición que se preparará de cara o vindeiro Campionato de Europa na vila ourensá.

Os irmáns Cikusa, Ian Barrufet, Alejandro Pisonero, Óscar Grau,..; son algúns dos nomes que de seguro lle soaran a moita xente por mor duns apelidos cheos de historia no mundo do balonmán; pero a maioría destas xoves promesas que completan a convocatoria de Javier Fenández e Alejandro Mozas, xa están a ter un papel importante nos primeiros equipos de clubs coma o FC Barcelona, Granollers, Atl. Valladolid, Ademar León, etc; nalgún caso coma o de Petar e Djordje Cikusa, chegaron a debutar co combinado nacional absoluto de Jordi Ribera.

A selección española permanecerá concentrada de luns a domingo en Ribadavia; os Hispanos terán o privilexio de estrear o novo pavimento que o concello instalou no pavillón O Consello, realizarán sesións en ximnasio e o sábado enfrontaranse ao combinado absoluto de U.S.A., unha selección que ven de disputar o último mundial e que ademais conta nas súas filas co galego Álex Chan, que goza da dobre nacionalidade. Álex, terá a oportunidade de xogar co combinado americano na súa terra e ante moitas das súas amizades que de seguro se achegarán a Ribadavia a alentar a desfrutar do espectáculo. O encontro celebrarase o sábado 16 ás 18:00 horas e a entrada será de balde; previo ao encontro realizarase o acto institucional de inauguración do novo pavimento.

O Concello de Ribadavia, a través do Consello Municipal de Deportes, organizará dous adestramentos de portas abertas nas mañás do martes 12 e do xoves 14, para que todos os escolares da zona poidan gozar da estancia dos Hispanos na vila. O mércores 13 ás 12:30, o Concello de Ribadavia realizará unha recepción oficial á expedición española na casa consistorial.

A chegada do combinado nacional júnior a Ribadavia supón o primeiro dunha serie de eventos internacionais que a Federación Galega de Balonmán promoveu en diferentes puntos da xeografía galega; xa que nos vindeiros meses, as Guerreras e os Hispanos estarán en O Porriño e Lalín respectivamente, para afrontar importantes encontros clasificatorios para o europeo e o mundial.

 

Con motivo da concentración da Selección Española Junior en Ribadavia, dende do 11 ao 17 de Marzo, para preparar o Campionato de Europa que se vai a celebrar en Eslovenia do 10 ao 21 de Xullo, a Agrupación D. Escolar O Ribeiro, dentro do programa XOGADE da Secretaria Xeral para o Deporte, pon en marcha, en colaboración co Clube ADC Ribeiro, a actividade de promoción “COÑECE O BALONMÁN CA SELECCIÓN ESPAÑOLA HISPANOS JUNIOR” dirixido a todos os Centros de Ensino da Comarca.

Para o que, a Dirección Técnica da Real Federación Española de Balonmán, facilita dous adestramentos de portas abertas os días martes 12 e xoves 14, en horario de mañá, para que os nenos e nenas poidan presenciar o adestramento da Selección Española, e ao remate baixar para realizar actividades de xogos na pista cos xogadores da selección, asemade de asinar autógrafos, facer fotografías… etc.

 

Ligazón Inscrición