Categoría: Sin categoría

CLAUSURA ENCONTRO DE ESCOLIÑAS

Publicado el | por smd ribadavia
Ribadavia, xunto cos concellos de Xinzo de Limia, San cibrao das Viñas, Barbadás, Pereiro de Aguiar, Maceda, Cenlle, Maside, Carballiño e Coles, participaron no encontro de Escoliñas Deportivas.
 
O venres 13 de xuño, no Pazo dos deportes Paco Paz de Ourense, celebrouse a fin de curso dos encontros de Escoliñas Provinciais, no cal participaron máis de 500 cativos.
 
Esta iniciativa está centrada na práctica dos deportes tales como ximnasia artística, ximnasia rítmica, baile moderno, xadrez, tenis de mesa, remo indoor, orientación, psicomotricidade, balonmán, volei, karate, kung-fun, fútbol sala e baloncesto.
 
 
 
 
 
 
 
 
 
 
 
 
 

CLAUSURA ENCONTRO DE ESCOLIÑAS

Publicado el | por smd ribadavia

Despois de tres xornadas de Encontros de Escoliñas levadas a cabo en Ribadavia, e promovidas pola Excma. Deputación de Ourense coa colaboración dos Concellos, nas modalidades deportivas de Minibalonmán (15 de febreiro), Karate (23 de marzo) e Baile Moderno (10 de maio), celebrarase o vindeiro venres 13 de xuño a Clausura do Encontro de Escoliñas no Pazo dos Deportes Paco Paz de Ourense.

Ditos eventos serán organizados/coordinados por CDC Ribeiro Balonmán e Miño BM. (Minibalonmán), Federación Galega de Karate (Karate) e Foryou Sport (Baile Moderno).

RECREOS ACTIVOS / PATIOS DINÁMICOS

Publicado el | por smd ribadavia

Remata a Actividade Recreos Activos/Patios Dinámicos (Outubro do 2024 a Maio do 2025) dentro do PLAN RIBADAVIA ACTIVA do Concello de Ribadavia e do PLAN PROXECTA (CP INNOVA) da Consellería de Educación da Xunta de Galicia, actividade coordinada entre o Servizo Municipal de Deportes e os Departamentos de Educación Fisica dos centros CPI Plurilingue Ribadavia e CRA Amencer. Agradecer as entidades ADC Ribeiro e Club Karate Mizukami e á Federación Galega de Tenis e de Bádminton, a aportación de técnicos responsables do desenvolvemento da mesma.

O Proxecto Recreos Activos/Patios Dinámicos conxuntamente cos proxectos Plataforma DAFIS e Dinamización da vida activa e deportiva, que se levaron adiante ao longo diste curso continuarán o curso 25/26.

 

CURSO DE NATACIÓN 2025 – NEN@S ADMITID@S XULLO E AGOSTO

Publicado el | por smd ribadavia

Faise público a relación de admitid@s para os meses de Xullo e Agosto.

Tod@s @s admitid@s, teñen de prazo dende o 2 ata o 6 de xuño para facer reserva definitiva da praza para o que deberán formalizar o aboamento da matrícula, según o prezo público aprobado na Xunta Local de Goberno do 18/Maio/2021.

Para o que deberán descargar a autoliquidación da web www.deportesribadavia.es, enviala ao email smd@ribadavia.es ou entregala presencialmente nas oficinas do Centro Deportivo Municipal «O Consello». O pago será domiciliado, polo que a autoliquidación entregarase vía email ou presencialmente nas oficinas, en ningún caso se entregará no banco.

 

 

 

 

 

Nesta ligazón podes descargar a autoliquidación.

 

 

VIII SALÓN DO DEPORTE E TURISMO ACTIVO – XOGOS DEPORTIVOS

Publicado el | por smd ribadavia

Os días 22, 23 e 24 de maio, celebrarase en Expourense o «8º Salón do Deporte e Turismo Activo (Xogos Deportivos)».

Este evento está destinado a todos os públicos, tanto para deportistas, aficionados ou principiantes, como para os maiores e nenos. Os visitantes atoparán no salón un lugar onde poderán contactar co deporte en todas as súas facetas.
 
Trátase dunha edición especial centrada na Inclusión co obxectivo de promover o deporte para todos.
 
Nesta cita, aproximadamente uns 100 nenos e nenas da comarca de Ribadavia, participarán na modalidade de Minibalonmán.
 
Compartirán espazo clubes e asociacións unha quincena de disciplinas deportivas con distintas asociacións de persoas con diversidade funcional. Os deportes que estarán representados nesta cita son: Atletismo; Bádminton; Balonmán; Ciclismo; Esgrima Clásica; Fitness; Fútbol; Hockey; Karate; Pickleball; Piragüismo; Remo Indoor; Roller cross; Taekwondo; Tai-chi; Tenis; Voleibol; Wushu; Xadrez e Ximnasia.
 
O horario é de mañá e tarde, de 10:00 a 14:00 horas e de 16:00 a 20:00 horas.
 
Nesta ligazón poderás consultar o programa.

 

 

COMARCAL DE ORIENTACIÓN E XORNADA MULTIXOGO

Publicado el | por smd ribadavia

Debido ás predicións meteorolóxicas de choiva, a Xornada do Comarcal de Orientación o Multixogo realizouse na pista central do Centro Deportivo Municipal «O Consello». 

Esta xornada, levada a cabo o luns 12 de maio, foi a última actividade do curso 24/25 incluída dentro do programa XOGADE da Secretaría Xeral para o Deporte.

Nela tomaron parte os seguintes centros de ensino de toda a comarca: CEIP Plurilingüe Ribadavia, CRA Amencer, CEIP San Salvador Arnoia, CEIP Pena Corneira Carballeda de Avia, CEIP Plurilingüe Otero Novas Cortegada, CEIP Castrelo de Miño, CEIP Quins-Melón e CEIP Emilio Pardo Bazán Leiro, cunha participación aproximada de 337 nen@s, nas categorías de prebenxamín, benxamín, alevín, infantil e cadete.

A xornada deu comezo ás 10:00 horas e rematou ás 13:00 horas.

 

ENCONTROS DE ESCOLIÑAS – BAILE MODERNO

Publicado el | por smd ribadavia

En torno a uns 60 nen@s, de entre 3 e 14 anos, participaron o pasado sábado 10 de maio no cuarto Encontro de Escoliñas da Deputación celebrado en Ribadavia, coa modalidade deportiva Baile Moderno.

A actividade, promovida pola Excma. Deputación de Ourense coa colaboración dos Concellos, desenvolveuse en horario de mañá, dende as 11 ata as 13 horas. Ao remate todos os participantes recibiron medallas conmemorativas do evento.

A xornada de clausura celebrárase será 13 de xuño no Pazo dos Deportes Paco Paz de Ourense.

 


 

 

 

ABERTO O PRAZO PARA SOLICITAR INSTALACIÓNS DEPORTIVAS TEMPADA 25-26

Publicado el | por smd ribadavia

Según se recolle no regulamento sobre Uso das Instalacións Deportivas Municipais, dende o 1 ao 30 de Xuño atópase aberto o prazo para que todalas entidades interesadas en facer uso de algunha das I.D. de xeito regular durante a tempada 25/26 para actividade de adestramentos e competicións podan solicitalo cumprimentando o modelo que poden descargar da web deportesribadavia.es e entrégalo por rexistro.

PROCEDEMENTO DE CONCESIÓN

A dirección do servizo municipal de deportes emitirá un informe coas solicitudes presentadas. 
O Consello Municipal de Deportes, aténdose aos criterios preferenciais, dará traslado da proposta de horario que será remita as entidades interesadas dando un prazo de 10 días para presentar alegacións. Vistas as alegacións presentadas e o seu tratamento o CMD redactará o horario definitivo que entrará en vigor o 1 de Outubro.
Posteriormente, a criterio do CMD e antes do 1 de Outubro , formalizarase convenio cas entidades beneficiarias para regular as condicións de uso, ou ben será de aplicación a ordenanza de prezos públicos por uso das instalacións deportivas municipais.

COMARCAL DE ORIENTACIÓN E XORNADA MULTIXOGO

Publicado el | por smd ribadavia

Organizado pola Agrupación Deportiva Escolar O Ribeiro coa colaboración do Concello de Ribadavia a través do Consello Municipal de Deportes, terá lugar o vindeiro luns 12 de maio nas Instalacións municipais do Novo Sintético O Xestal e Área Recreativa da Veronza a Xornada do Comarcal de Orientación e Multixogo, última actividade do curso 24/25 incluída dentro do programa XOGADE da Secretaría Xeral para o Deporte.

Tomarán parte os seguintes centros de ensino de toda a comarca: CEIP Plurilingüe Ribadavia, CRA Amencer, CEIP San Salvador Arnoia, CEIP Pena Corneira Carballeda de Avia, CEIP Plurilingüe Otero Novas Cortegada, CEIP Castrelo de Miño, CEIP Quins-Melón e CEIP Emilio Pardo Bazán Leiro, cunha participación de 337 nen@s, nas categorías de prebenxamín, benxamín, alevín, infantil e cadete.

A xornada dará comezo ás 10:00 horas para rematas ás 13:00 horas.

Nesta ligazón atópase o Regulamento.